Renewable energies - wind energy

طاقة الرياح

Wind Energy

اليوم نحنا بالجزء الثاني من سلسلة مسارات الطاقة المتجددة المرة الماضية حكينا عن أحد أهم مصادر الطاقة المتجددة واللي هيي الطاقة الشمسية وصار عنا إلها مسار كامل من الألف للياء وبتقدرو تلاقو على المنصة الخاصة بتجمع الشباب السوري .

تعتبر طاقة الرياح أحد أهم مصادر الطاقة المتجددة واللي بتعتمد بشكل أساسي على العنفات الريحية  وملحقاتها من علب سرعة ومولدات لحتى نربط مع الشبكة الكهربائية أو نستخدمها بشكل منفصل الجدير بالذكر أنو العنفات الريحية والخلايا الشمسية ممكن يكونو نظام واحد ونسميه باسم النظام الهجين .

واليوم نحنا كفريق التعليم والتطوير بمنظمة تجمع الشباب السوري حابين نقترحلكن مسار تعليمي لنتعلم أسس دراسة العنفات الريحية واستخدامها كمصدر توليد للطاقة. 

بشكل أساسي المسار بيجمع ما بين هندسة الكهرباء والميكانيك بشكل رئيسي ولكن هذا لا يمنع أي شخص حابب يفوت بهالمجال يتابع المسار ويكتسب معلومات ومهارات جديدة بما أنو العالم اليوم يتجه نحو الطاقة المتجددة بشكل كبير وقادر أي حدا فينا يشتغل بهالمجال, بداية إذا ما عندك معرفة وإطلاع على العنفات الريحية  شوف هالفيديو لتتعرف على مبدأ عمل العنفات الريحية بشكل عام.

يمكنكم حضور هذا المسار بشكل مجاني تماما والحصول على شهادات الكورسات من خلال منحة كورسيرا المقدمة من تجمع الشباب السوري للتسجيل على المنحة من هنا

 الكورس الأول 

Wind resources for renewable energies  

بالإضافة لأساسيات الأرصاد الجوية وبعض التقنيات لتقدير موارد الرياح بغض النظر عن نوع التوربينات المستعملة وطبعاً الكورس بيقارن ما بين الموارد الريحية والموارد المائية إجمالا ضروري نبلش بهالكورس لحتى نتعرف على أسس هالمجال ونكون قادرين فيما بعد نصمم نظام ريحي لتوليد الطاقة الكهربائية.

رابط الكورس من هنا

الكورس الثاني

 Wind energy 

بيحكي عن أساسيات عمل طاقة الرياح وشو أسباب اللجوء إلها بالإضافة للحسابات الأولية للعنفات الريحية من تصميها ابتداء من تحديد طول العنفة لحسابات الشفرات بالإضافة للحديث عن التكاليف الاقتصادية للعنفات الريحية .

رابط الكورس من هنا

الكورس الثالث   

Renewable power and Electricity systems 

الهدف الأساسي من استثمار الطاقة المتجددة هو استخدامها لتوليد الكهرباء بنهاية هذا الكورس رح تتعرف على علاقة أنظمة الطاقة المتجددة بالنظام الكهربائي بالإضافة لكيفية تغير الشبكة الكهربائية لتقدر تستوعب مصادر الطاقة المتجددة وتتأقلم معها.

رابط الكورس من هنا 





اترك رد