المصطلح ممكن يكون غير مألوف للبعض لهيك خلينا بداية نحكي شو يعني الكترونيات القدرة بالوقت الحاضر مع التطور التكنولوجي اللي وصلو العالم صرنا بحاجة نتعامل مع مختلف أنواع الكهرباء مستمر أو متناوب وبجهد عالي وجهد منخفض وكثير من الأحيان ما بكون عنا المصدر المناسب لنوع الكهربا يعني مثلا عنا حمل بدو تيار متناوب والمصدر الموجود هو تيار مستمر فكيف فينا نحل هالمشكلة.

هون ظهرت أنصاف النواقل وبلشو يطورو عليها لحتى صنعو عناصر إلكترونية منقدر نستفيد منها بالكهرباء وطبعاً أنصاف النواقل هي عبارة عن مواد ناقليتها الكهربائية بتقع بين المواد الناقلة والعازلة وبتقدر تغير خصائصها تحت ظروف معينة.

استخدمت هي المواد بصنع العناصر الإلكترونية مثل الديود والترانزستور وغيرها ولاحقا تم استخدام هي العناصر بموضوع إلكترونيات القدرة يعني قدرنا مثلا نصمم دارات كهربائية بتحول التيار المستمر لمتناوب او العكس .

 أشهر العناصر المستعملة بموضوع إلكترونيات القدرة هي الترانزستورات لهالشي بداية مسارنا التعليمي رح يكون عن الترانزستورات واخترنالكن كورس مقدم من إحدى الجامعات العريقة بعدد ساعات حوالي٩ ساعات تدريبية. رابط الكورس من هنا 

الكورس بيحكي عن بنية الترازستور خواصه وانواعه طرق توصيلو طبعاً اخترنا هذا الكورس لأنو هو الأساس بالكترونيات القدرة أما للأشخاص اللي حابين يدرسو أنصاف النواقل بشكل كامل وهذا جزء اختياري من المسار التعليمي فالتخصص موجود كامل على كورسيرا وبتقدرو تتابعو من خلال الرابط التالي

يمكنكم دراسة هذه الدورة والحصول على الشهادة بشكل مجاني من خلال منحة تجمع الشباب السوري لمنصة كورسيرا (للتسجيل عبر المنحة يرجى زيارة الرابط التالي من هنا)

الكورس الأول

مقدمة في الكترونيات القدرة

Introduction to Power Electronics

بيحكي عن أساسيات دارات التحويل بشكل عام وطرق نمذجتها وبنائها  ومفهوم الكترونيات القدرة بحوالي١٢ ساعة تدريبية

رح يكون الكورس مقدمة لباقي المسار لنتعرف على مبدأ تحويل القدرة من نوع لنوع ثاني ونلقي نظرة عامة على دارات التحويل

رابط الكورس من هنا

الكورس الثاني

convert circuits

بيحكي عن دارات التحويل ودور أنصاف النواقل في تصميم هي الدارات إضافة لهالشي رح يكون في شرح عن مختلف أنواع هي الدارات وأنواعها ومختلف الضياعات الحاصلة فيها وعلى مدار ١٩ساعة تدريبية بنهاية الكورس رح يكون في شرح عن دارات رفع او خفض الجهد من تيار مستمر لتيار مستمر

رابط الكورس من هنا

الكورس الثالث

Converter control

  فهو بيحكي عن تصميم نظام التغذية الراجعة لدارات التحويل بالإضافة لنمذجتها واختلاف التيار المتردد للإشارات الصغيرة الكورس مفروض نبلش فيه بعد ما نخلص الكورسات السابقة على مدار١٩ ساعة تدريبية

رابط الكورس من هنا

الكورس الرابع

Magnetics for Power Electronic Converters

  بيحكي عن تصميم دارات التحويل والضياعات اللي ممكن تصير فيها بالاضافة للعناصر اللي ممكن تدخل بتصميم دارات التحويل مثل الملفات والوشائع والمقاومات على مدار١٧ ساعة تدريبية

رابط الكورس من هنا

ختام المسار رح يكون مع هالكورس اللطيف لنثبت معلوماتنا ونتعرف على نوع ثاني من دارات التحويل والمستعملة بأنظمة الطاقة الشمسية وغيرها من الأنظمة الكهربائية على مدار ١٤ساعة تدريبية

الكورس الخامس

Modeling and Control of Single-Phase Rectifiers and Inverters

رابط الكورس من هنا